القاهرة - صوت الامارات
علقت الناشطة الحقوقية آية حجازي على الإطلالة الأخيرة للممثلة دينا الشربيني عبر حسابها الرسمي على موقع التواصل الاجتماعي "فيسبوك".
وتحدثت الناشطة عن دينا الشربيني قائلة "شخصية فعلًا لطيفة ومحترمة واجتماعية.. كانت معاملاتنا طفيفة وإحنا محبوسين مع بعض في عنبر واحد، بس تعاملاتها مع الناس كلها كويسة جدًا.. واللي لمسني معاملتها مع بنت كانت طفلة شوارعدينا ساعدتها بكل الأشكال، وساعتها البنت ورتني رسالة ليها دينا بتقولها أنا معاكي ودي نمرتي كلميني أول ما تخرجي وأخرج وممكن أوفرلك شغل معايا".
وأضافت الناشطة قولها "كمان حاولت تشغل وقتها ووقت الناس بكورس تمثيل داخل السجن، لكن اتغير رئيس المباحث على طول ولغاه.. وكمان كانت من الناس النادرة اللي بتخرج وتفتكر صحابها وتيجي تزورهم في السجن وتجيبلهم زيارات".
وأكلت الناشطة كلامها " هي دي الفنانات اللي أحب اتفرج عليهم، مش ناس بلاستيك بنتفرج على شكلهم وننسى فنهم أو هم مين.. كنت فعلا مترددة أكتب عنها، بس أعتقد ده واجبها علي، كمرأة وكإنسان".
ووجهت حديثها للساخرين من إطلالة دينا الشربيني قائلة "للبنات المنفسنة، مش عارفة إزاي الست ممكن تاخد حقها في العالم ده، لو أول ظالم ليها المرأة.. من نجاح لنجاح يا دينا".
ويذكر أن الفنانة دينا الشربيني ظهرت بشعر أسود قصير، وفستان طويل ذو فتحة متوسطة الحجم بمنطقتي الصدر والظهر، من توقيع دار الأزياء الإيطالية روبرتو كافالي، مما آثار سخرية بعض نشطاء مواقع التواصل الاجتماعي.