المقادير:كيلو زيتون اخضر تفاحى نص كيلو جزر مبشور كيلو الا ربع ليمون معصور ونشيل القشر حنحتاجه ربع كيلو فلفل اخضر حامى حزمه كرفس مخرطه راس توم مهروسه بالقشر بتاعها مفيش مشكله كوب زيت طعام ملح وميه للتمليح الزيتون الاسود 2 كيلو زيتون اسود كيس ملح ربع كوب خل حلتين ميه للتمليح

التحضير: الزيتون الاخضر
حنجيب الزيتون التفاحى حنغسله و نشقه بالسكينة بالشكل ده
حننقعه فى ميه من الحنفية لمدة 3 ايام كل يوم نغير الميه مرتين مره الصبح و مره بالليل عشان ننزل منه المرارة
الزيتون الاسود
نجيب الزيتون حنخرمه بالشوكة من الجنبين
نرش عليه الملح حوالى 34 الكيس و نسيبه لمدة 5 ايام بالتمام و الكمال
و كل يوم نقلبه مرتين مره الصبح و مره بالليل
اليوم السادس حنلاقى الزيتون عمل ميه بالشكل ده
حنصفى الميه دى خالص منه و متقلقيش لو لقيتى الزيتون كرمش حيرجع لشكله الطبيعى تانىالطبخ: بعد ال3 ايام نغسله كويس و نحط عليه كل المقادير اللى فوق ونقلبهم فيه ما عدا الزيت و عصير الليمون و القشر بتاعه
بعد ما نحط المقادير فى البرطمان نحط عصير الليمون و عليه الميه و الملح و و نحط القشر على الوش و نكبس كويس البرطمان و و الاخر نحط الزيت بعد كده حنحط كيس جوه البرطمان عشان نكبسه كويس و نحط كيس حوالين الغطا عشان نضمن عدم دخول الهواء و نسيبه 25يوم على ما يتخلل
الزيتون الاسود
حنجيب حلة ميه مغليه و نصبها عليه و نقلب كويس و نصفيها تانى
و ده عشان الميه دى تاخد الملح و المرارة و تنزل
بعد ما نصفيها نقلب عليها الحلة التانية من الميه المغليه و المره دى حنسيبها تبرد و الزيتون جواها
بعد ما تبرد خالص حنضيف الملح و الخل و الزيت
و نحطهم فى برطمان و نقفل عليه يومين اتنين بس