جمهور راندا البحيري اتهمها بالعنصرية بسبب وصفها لهم بأنهم أطفال شوارع، في الوقت الذي وصفه البعض الأخر بأنه عمل إنساني منها.

راندا البحيري، ردت على الانتقادات التي وجهت لها قائلة: "فكرت كتير أوي قبل ما أرد عليكم وبصراحة مكنتش ناويه أرد من كتر ما كانت كومنتاتكم بالنسبة لي مستفزه ومش عاجبني إني أصلا أرد عليها، لكن قررت أصفي قلبي و أرد عليكم، يمكن حد غيركم يستفيد من النقاش".

وأضافت: "انتوا شايفين أي كلمة أو وصف للأطفال الغلابة دول غير أطفال الشوارع؟؟ مش هم فعلا أطفال شوارع، عايشين نايمين صاحيين واكلين شاربين في الشارع؟؟ هم فعلا كده، ليه مُصرين تدفنوا دماغكم في الرملة و متواجهوش الحقيقة و تحاولوا تجملوها، ولا هي الحقيقة بتكون قاسية عليكم و بتفكركم بتقصيركم تجاهها فبتحاولوا تزينوا الحقيقة دي علشان متتعبوش نفسيا؟؟ لا يا سادة، هم فعلا أطفال شوارع، واللي مش عاجبة ينزل يلمهم من الشارع و يقف جنبهم ولو بسيلفي زي الأستاذ الفاضل إيهاب ما قال، و نَصّب نفسه إله دخل في نوايا البشر و نوايايا و عرف الأستاذ إني أتصورت معاهم سيلفي و جريت، تخيل كده و مقتنع معرفش علي أساس إنه كان معانا مثلا؟؟؟ ". والله عالم غريب مينفعش الواحد يركز معاه علشان ميتعبش".