أعلنت الفنانة رانيا فريد شوقي عن محاولة اختطاف ابنتها، على يد أحد سائقي شركة "أوبر"، محذرة أولياء الأمور من السائقين ومؤكدة ضرورة توخي الحذر. وقالت: "بنتي كلمتني قالتلي كنت هتخطف دلوقتي لإنها طلبت أوبر، وبعتلها إنه مستنيها بره وعشان تعرف مكانه كلمت السواق قالها ده مش أنا ده حد سارق الأكونت بتاعي".

وأضافت، عبر حسابها الخاص على موقع "فيسبوك": "الحمد لله ربنا ستر، من فضلكم فهموا أولادكم يكلموا السواق الأول ويتأكدوا من رقم العربية وماركتها قبل ما يركبوا أي عربية، ويبعتولكم صورة من بيانات السواق اللي هما معاه و يركزوا مع السواق في الطريق اللي هما ماشيين فيه عشان يتأكدوا إنه ماشي صح، اللهم احفظ أولادنا و احميهم وابعد عنهم كل شر".