لو كنتى بتعملى ريجيم وبتحبى تأكلى المكرونة ومش عارفة ازاى توفقى بين نظامك الغذائى وبين انك تمنعى نفسك من أكلاتك اللى بتحبيها,,,
دلوقتى ممكن تأكلى اللى بتحبيه فى يوم واحد فى الاسبوع تأخذى فيه راحة
من الريجيم وتأكلى اللي نفسك فيه مش هيأثر على الريجيم وفى نفس الوقت هتاكلى اللى بتحبيه,,,
طبقنا النهاردة قليل السعرات الحرارية يعنى ممكن تتناوليه بس مش باستمرار لأنها تحتوى على النشويات

المقادير:

٥٠٠ جرام مكرونة, فيتوشيني
١ كوب حليب قليل الدسم, سائل
١ ١⁄٢ كوب جبن بارميزان
١⁄٤ كوب كريمة قليلة الدسم
١ ملعقة كبيرة زبدة زيرو فات
١ ١⁄٢ ملعقة كبيرة نشا
٣ فص ثوم
٥ ورقة حبق او ريحان, طازج، مفروم
بهار حسب الرغبة
ملح حسب الرغبة

طريقة التحضير:

– قومى بسلق مكرونة الفيتوشيني بحسب التعليمات الواردة على العلبة حوالي 3 دقائق، ثم تُصفى وتوضع جانباً.

– وسخنى الزيدة في قِدر كبيرة الى أن تذوب، ثم ضيفى الثوم و يحرّك لمدة دقيقة بعدها يضاف الحليب و النشا و يخفق المزيج على نار معتدلة حتى يشتدّ.

– ومن ثم تضاف المكرونة الى القدر و تُقلّب.

– وضيفى الكريمة و جبنة البرميزان الى القدر ، واخلطى المكونات ثم يرش الملح والبهار حسب الرغبة.

– قلبى المكرونة جيدا ، ثم رشى الحبق المفروم أو الريحان عليها ثم تقدّم فورا.
وبالصحة والهنا,,,