المقادير

1  كوب (140 جرام) ذرة فشار
1  معلقة كبيرة زيت فول السوداني (أو زيت نباتي)
½  معلقة صغيرة ملح

الخطوات

نشغل البوتاجاز على عين متوسطة
نضيف معلقة زيت الفول السوداني و نرش عليهم الملح و نستنى ثواني قليلة لحد ما الزيت يسخن
لما يسخن الزيت هنضيف 3 حبات ذرة في الحلة و نقفل غطى الحلة و نستنى لما يتحولو لفشار
لما تتحول الـ3 حبات الي فشار ده معناه ان احنا جاهزين نضيف باقي كمية الذرة
هنضيف ياقي كمية الذرة في الحلة و نقفل الغطى و بعدين نشيل الحلة من عل نار لمدة 30 ثانية و ده عشان نخلي كل حبات الذرة توصل لنفس درجة الحرارة
هنرُج الحلة كويس و نرجعها على النار و اول ما نبتدي نسمع صوت الذرة و هو بيتحول (صوت الطرقعة) نبدأ نرُج الحلة مرة أو اثنين كويس
لما صوت الطرقعة يبدأ يخف جدا هنشيل الحلة من عل النار عشان مانحرقش الفشار. بالهنا و الشفا