حلت النجمة القديرة نيللي، ضيفة على الفنان سمير صبري، في برنامج "ماسبيرو"، عبر فضائية "TEN".

وقالت نيللي، إنها عاطفية وخيالية للغاية في حياتها الشخصية، مضيفة: "الكلمة الحلوة تاخدني، وده كان سبب في اختياري لزوجي خطأ، قالي وإحنا بنتجوز عايزة مهر إيه، قولتله شيء واحد هو إنك لو حسيت إنك هتخوني طلقني، واتفقنا على مهر ربع جنيه".

و علق صبري: "أنا أوعدك إني مش هخون، والربع جنيه جاهز، تصدقي بجد خسارة إن أنا وإنتي متجوزناش بعض، أنا عاطفي أنا كمان"، فردت وابتسامتها العريضة تملأ وجهها: "يا شيخ فال الله ولا فالك، 20 سنة وإنت كاتم حبي في قلبك".