نشر الفنان محمد محمود عبد العزيز تعليقًا له عبر صفحته على موقع التواصل الاجتماعى انستجرام حيث رثى فيها الفنان الراحل محمود عبدالعزيز وبعث له كلمات مؤثرة.  ويقول محمد عبد العزيز: "كل سنة وحضرتك طيب وبخير يا أبويا وصاحبي وأخويا وكل ما ليا، أول مرة فحياتى ماتكونش معايا وقدام عنيا طول المدة دى بس برضه كل سنة وحضرتك طيب لأنى حاسس إنك بخير وفى مكان أحسن من اللى إحنا فيه بكتير". 

ويضيف محمد قائلاً: "عايز اهدى لحضرتك كل حاجة بعملها سواء إنتاج أو تمثيل أو أى حاجة كويسة ممكن أعملها وتبسطك وأى خير بعمله أو بحاول انى اعمله زى ما حضرتك علمتنا والسنة دى بهدى حضرتك صيامى وكل ركعة وكل حرف هقرأه من المصحف الشريف اللى حضرتك مكنتش بتسيبه، ربنا يتقبل منى ويقدرنى وأبقى ربعك فى أى حاجة". 

ويقول محمد: "رمضان كريم كل سنة وحضراتكم جميعًا بألف صحة وسلامة وخير وربنا يريح قلوبكم ويشفى كل مريض ويرجع كل بعيد ويصبر أى واحد موجوع ويهون علينا جميعًا يا رب بحق الشهر الفضيل".  وفي نهاية رسالة طلب محمد محمود عبد العزيز، من الجميع تذكر "الساحر"، بقراءة الفاتحة له ولأموات المسلمين.