دافع الفنان شريف منير عن الجزء الأول من مسلسل "الزيبق" بعد الهجوم الذي تعرضه له حيث رآه البعض أنه يميل إلى التطويل وكان من الممكن اختصاره في جزء واحد. ويقول شريف منير عبر صفحته على موقع التواصل الاجتماعي فيسبوك: أولًا: كل سنة وحضراتكم طيبين.. فى سؤال من صديق بيقول .. إن الدراما فى مسلسل الزيبق أخدت حيّز كبير على حساب الأحداث المخابراتية فى المسلسل .. وده كان ردّى حضرتك طرحت سؤال فى أول الكلام .. على أى أساس قرر الإنتاج إن القصة تحتاج جزئين ؟؟ أنا بقه عندى نفس السؤال لحضرتك .. على أى أساس حضرتك قررت إن القصة مش محتاجة جزئين ؟ هل حضرتك على علم بتفاصيل قصة الزيبق إللى الملخص بتاعها عند خمس أطراف فقط .. المخابرات العامة المصرية.. وائل عبدالله .. كريم عبد العزيز .. وليد يوسف .. والعبدلله.

ويضيف منير قائلا: عملية "الزيبق" إللى تفاصيلها أنا والأربع أطراف السالف ذكرهم عرفينها كويس .. من رابع المستحيلات تتلم فى جزء واحد .. وده بسبب كثرة الأحداث و سخونتها .. وتم فعلًا نقاش بَيَّنَّا على الجزء الدرامى .. فوجدنا بما إن العمل فى كل الأحوال لازم يخرج على جزئين .. فيتعمل بالبلدى كده .. على نار هادية مايتسلقش.

وأشار شريف إلى أنا رأئيّ إن أى حد شايف إن الأحداث كان ممكن تتلم فى تلاتين حلقة .. لازم يكون على علم بالقصة أولًا علشان يحكم صح .. وفى سبب مهم جدًا .. الناس مستعجلة تدخل فى الأحداث على طول .. عايزين سسبنس و مخابرات بسرعة .. ونجيب من الآخر .. وده فى إعتقادى يفقد العمل عنصر التشويق و المسلسل من أول لحظة معروف إنه على جزئين .. وكل حاجة كانت لازم تاخد حقها صح تمهيدًا للسخونه إللى إن شاء الله فى الجزء التانى .. اللعب حيكون سخن جدًا .. تحياتي .