انتهت الفنانة لقاء الخميسي من تصوير دورها فى مسلسل "بين عالمين" مع الفنان طارق لطفى وهشام سليم والمخرج أحمد مدحت.  وقالت الخميسي عبر صفحتها على موقع التواصل الاجتماعى فيسبوك :"فركش بين عالمين بالنجاح والتوفيق لكل واحد تعب وبذل مجهود واجتهد بحب كل الناس اللي اشتغلت معاهم في المسلسل دا من قلبي كل زمايلي الممثلين اللي أكتر من رائعين".

وأضافت: "كل كاست الإخراج الرائع وكل كاست التصوير اللي بموت فيهم نَفَر نَفَر وكل كاست الصوت اللي على رأسهم عّم حسن حبيبي، والمونتير الشاطر أوي هيثم، وكل كاست الإنتاج حبايبي اللي تعبوا معانا جدا، وكان ليا الشرف إني تعاملت لأول مرة مع شركة سينرجي للإنتاج الفني وهي من الشركات المميزة والمحترمة جدا".

ووجهت لقاء الشكر لكل كاست العمل قائلة: "بشكر كل اللي بحبهم وهما كتير جدا جدا على الوقت اللي قضناها مع بعض، شكر خاص.. للأستاذ البديع اللي بأحبه حب "خاص جدا" واللي استمتعت معاه وانبهرت بيه "أحمد مدحت"، وللمؤلف المميز أيمن مدحت.. ومدير التصوير الرائع اللي بموت فيه أحمد زيتون "زيتونة قلبي"، وللأستاذ أحمد السيد المنتج الفني المميز، ولأخويا تامر السيد أسمر "ملك قلبي"، شكرًا لكاست الماكياج والماكيير اللي مقدرش استغنى عنه سامح حنفي وكاست الكوافير المميز هيثم دهب وجميع المساعدين، شكرًا الجميلة دينا فتحي استايلست المسلسل على تعبك، شكر خاص للنجم طارق لطفي اللي استمتعت جدا بالتمثيل معاه، والنجم الفريد الأستاذ هشام سليم حبيب قلبي.. ولحبيبة قلبي فيدرا الرائعة والقمر دارين حداد وقطة قلبي دينا الوشاحي، وصديقي القديم المميز اللي عامل دور يجنن حازم سمير.. وبنوتي الحلوة ريما، ولكل ممثل أبدع في المسلسل وهما كتير أوي شكرًا للأستاذ المهذب حسام شوقي على تعبه معانا، وشكر خاص للمنتج المميز المحترم تامر مرسي على إهدائي فرصة العمل مع كل النجوم دي وعلى كل حاجة Love u all".