كشفت الفنانة ناهد السباعي عن كم الضغط النفسي الذي تعرضت له بسبب الهجوم الشديد على مسلسلها "هبة رجل الغراب" التي قدّمته خلفًا للفنانة إيمي سمير غانم. 

وقامت "ناهد" بنشر صور تتضمن مجموعة من التعليقات التي تشيد بها عبر صفحتها الرسمية بموقع التواصل الاجتماعي أنستجرام، وعلقت عليها قائلة: "ربنا وحده اللي يعلم قد إيه أنا تعبت قوي لحد ما شوفت الكومنتات ديه مفيش حد ف الدنيا يستحمل إنه حتي وهو بيصور يتشتم ف كل حتة حتي الشارع، اكتئاب ورعب وقلق وقلة نوم وقلة أكل مكنش فيه حد ف الدنيا واقف جنبي غير أمي طبعًا وأهلي وأصحابي وSally Fayez حتي استاذ عمرو كان شايف أنه فاشل جدًا.. اللي يقولي حرام عليكي تعملي ف نفسك كده واللي يقولي انت ممثلة جامدة ضيعتي كل اللي عملتيه واللي شايف إني هفشل واللي شايف إن النجاح الرهيب لهبة عمره ما هيرجع تاني". 

وأضافت: "اللي يقولي انت في مكانة جامدة في السينما دمرتي مستقبلك.. دمار نفسي رهيب وأنا بصور.. شكراً لكل الناس اللي وقفت جنبي شكرا لكل فريق عمل هبة رجل الغراب من أول حد لأصغر حد استحمل معايا كتير ووقف جانبي وشجعني وآمن فيا شكرا برضه لكل الناس الي خلوني عندي تحدي كبير اني أثبت لهم عكس كلامهم شكرا لاهلي واصحابي وعلي رأسهم امي اللي شافت معايا أيام سودة.. شكرا حبيبتي لبعد نظرك وثقتك فيا".