القاهرة - صوت الإمارات
حلت الفنانة شيرين رضا ضيفة على برنامج "العرافة"، الذي تقدمه الإعلامية بسمة وهبة على قناة النهار، حيث تحدثت عن كواليس انفصالها من الفنان عمرو دياب، بعد زواج استمر لمدة ثلاث سنوات، مؤكدة أن الحياة بينهم أصبحت مستحيلة، كما تحدثت عن علاقتها بابنتها نور عمرو دياب وشنت هجوماً على فنانة انتقدت حياة ابنتها.
وأكدت أن انفصالها عن "الهضبة" تم "لأن الحياة أصبحت ما بينا مستحيلة وكنا بنتخانق، عشان كده قررنا الانفصال وإننا نفضل أصدقاء على إننا نكمل والمشاكل تكبر بنا، ومنقدرش نبص في وجه بعض. أنا كنت صغيرة عندما التقيت به، وكان يحبني، لذلك استخدم كل الوسائل للتقرب والزواج مني".
وأضافت: "عمرو دياب جري ورايا علشان يتجوزني، كان صريح في البداية ونزل على ركبته، وتاني يوم جاب عربية نقل مليانة ورد، ودخل على بابا غرفة نومه وطلب منه يتجوزني".وتابعت حديثها عن عمرو دياب قائلة: "كان قمر ولذيذ وعجبني وكان بيحبني، جوازنا استمر ثلاث سنين، والفترة دي الأغاني اللي بيقدمها، كانت ليا لأن مكنش يقدر يغني لغيري كنت أدبحه".
وتحدثت عن الغيرة وأكدت أن "الغيرة مش بتوجع غير صاحبها، أنا اتجوزت واحد مشهور لازم يكون عنده معجبين، لو غيرت عليه، مين دي وبتكلم مين أنا اللي هتعب في الآخر، وكده كده هيفضل حواليه نسوان"، موضحة: "أنا باسميهم نسوان، لأن اللي تجرى ورا راجل متجوز بالأسلوب دا تبقى نسوان، مش ست، لأن الستات محترمة".وتحدثت أيضاً عن ابنتهما وقالت: "من حق ابنتي نور التصرف بالطريقة التي تريدها في حياتها، وليس من حق أحد التدخل في سلوكها".
وأضافت: "عبير الشرقاوي مريضة نفسيا، لما تعمل عقلها بعقل بنت صغيرة وتشتمها، تبقى فاضية ومريضة، وطالما اعتزلت الفن تقعد في بيتها وتلم نفسها، وطالما اتحجبت عيب تقول الكلام ده. هي تعمل اللي هي عايزاه، هي هتتحاسب مكان نور؟ خليها في نفسها وملهاش دعوة ببنتي".وتابعت: "خطوبة نور لم تكن خطوبة مثل أي خطوبة إحنا نعرفها هنا، بحفلة وزيطة ومعازيم، هي كانت بتعمل جلسة تصوير، وخطيبها عمل مفاجأة ونزل على ركبته وقدم لها الخاتم".
وأضافت: "أنا مقدرش أتدخل لإنهم بيفكروا بطريقة مختلفة، وتصرفها فرحني جدًا، لإن كل أمنية حياتي بنتي تكون سعيدة بطريقتها".ولفتت إلى أن "نور شخصيتها مختلفة عن باقي البنات، وفكرة إن أبوها وأمها مشهورين خلتها تايهة وسطنا، وبرا الناس بتعرفها وتحبها علشان هي نور، مش علشان بنت عمرو دياب وشيرين رضا".
وأضافت: "نور مديرة تسويق وسوشيال ميديا لشركة مطاعم في كل إنجلترا ومعتمدة على نفسها من خمس أو ست سنين، وأنا شوفت ناس كتير الفلوس دمرت مستقبلهم. زأنا وأبوها صرفنا عليها أثناء دراستها، وكنا مش عايزين يحصل لها نفس الحكاية، رغم إن الفلوس موجودة ونور مش محرومة".وكشفت أن "صديقة عمري خانتني مع زوجي، ووجعتني جداً، مش من جوزي لأني كنت متوقعة خيانته. كانت صديقة عمري وهي لم تكن فنانة وهو من أخبرني بخيانته لأبتعد عن صديقتي. ورغم ذلك لم تكن الخيانة هو السبب الوحيد لانفصالي".
قد يهمك ايضاً
شيرين رضا تشارك للمرة الأولى في مسلسل كويتي