ملكة جمال مصر السابقة تعلن تطورات إصابتها بالسرطان

حرصت إنجي عبد الله على طمأنة جمهورها بشأن إصابتها بمرض سرطان المخ، وهو ما أعلنت عنه مسبقاً.
وقالت إنجي إن الفحوصات الجديدة أثبتت إصابتها بورم حميد وليس خبيث.
وأضافت عبر حسابها بموقع "فيسبوك": "أنا الحمد لله كويسة ومبسوطة أوي علشان عرفت إن الورم الحمد لله مش خبيث، أنا عملت فحوصات كتير هنا في اليابان واللي اتأكدت منه دلوقتي إن مش خبيث لأن حجم الورم متغيرش من شهرين، وفي احتمالات تانية كتير إنه يكون فيروس أو إنفكشن، بس هعرف النتيجه النهائيه كمان أسبوع".
وأضافت: "أنا دخلت المستشفي لمده أسبوع، عملت فحوصات كتير علي المخ، وعينة من النخاع الشوكي، والله العظيم كل الدكاترة اللي متابعين حالتي هنا مذهولين، في الأشعات باين حجم ورم وكبير في مكان خطر هو جزع المخ اللي ميقدروش يخدوا عينة منه لأنه في مكان خطر، بس أنا معنديش أي أعراض خارجية غير لما أمشي لمدة طويله بفقد الإحساس برجلي وأحيانا بشوف كل حاجه قدامي إتنين، وهما مش عارفين إزاي ده ممكن يحصل، وفعلا شايفني حالة غريبة، لأن الأعراض اللي عندي حاجه بسيطه قدام الأشعات اللي شايفنها".
إنجي فازت بلقب ملكة جمال مصر عام 1999، وهي حالياً متزوجة من القائم بأعمال السفير التركي في القاهرة.